is tarah jaan-e-jahan hosh ganwata hai koi

is tarah jān-e-jahāñ hosh gañvātā hai koī

pūchhtā maiñ huuñ mirā naam batātā hai koī

dard kuchh dil se mire sar kī taraf aa niklā

yā'nī qasmeñ to mire sar kī bhī khātā hai koī

huuñ to āzād magar paañv meñ zanjīr bhī hai

chhoḌtā bhī nahīñ par chhoḌ ke jaatā hai koī

ajnabī shahr meñ koī to shanāsā hai mirā

bhiiḌ meñ mere liye haath hilātā hai koī

mere zadgān meñ koī to hai āseb-zada

mujh se milne ko mire baa'd bhī aatā hai koī

aisī rusvā.ī mire naam bhī aa.ī 'hammād'

mere hī she'r mujhe paḌh ke sunātā hai koī

is tarah jaan-e-jahan hosh ganwata hai koi

puchhta main hun mera nam batata hai koi

dard kuchh dil se mere sar ki taraf aa nikla

ya'ni qasmen to mere sar ki bhi khata hai koi

hun to aazad magar panw mein zanjir bhi hai

chhoDta bhi nahin par chhoD ke jata hai koi

ajnabi shahr mein koi to shanasa hai mera

bhiD mein mere liye hath hilata hai koi

mere zadgan mein koi to hai aaseb-zada

mujh se milne ko mere ba'd bhi aata hai koi

aisi ruswai mere nam bhi aai 'hammad'

mere hi she'r mujhe paDh ke sunata hai koi