is tarah ki guftugu se hum naya kya paenge

is tarah kī guftugū se ham nayā kyā pā.eñge

ik suuī kī nok pe kitne farishte ā.eñge

ham to samjhe the ki paanī jhuum ke barsā.eñge

kyā ḳhabar thī ab ke bādal aag le kar ā.eñge

ik na.ī tārīḳh likhne kī zarūrat hai hameñ

ham ye maazī ke fasāne kab talak dohrā.eñge

un kī manshā hī nahīñ amn-o-amāñ ho desh meñ

ye siyāsī log haiñ bas rā.ita phailā.eñge

jā.eñge apne masā.il le ke kis ke sāmne

kaam karne vaale hī jab kaam ko aTkā.eñge

ye to sochā bhī na hogā bābā-e-ā.īn ne

'adl o ā.īnī idāre is tarah mīmiyā.eñge

bas yahī anjām honā hai hamārā 'ishq meñ

yā tumheñ hāsil kareñge yā ki ham mar jā.eñge

is tarah ki guftugu se hum naya kya paenge

ek sui ki nok pe kitne farishte aaenge

hum to samjhe the ki pani jhum ke barsaenge

kya KHabar thi ab ke baadal aag le kar aaenge

ek nai tariKH likhne ki zarurat hai hamein

hum ye mazi ke fasane kab talak dohraenge

un ki mansha hi nahin amn-o-aman ho desh mein

ye siyasi log hain bas raita phailaenge

jaenge apne masail le ke kis ke samne

kaam karne wale hi jab kaam ko aTkaenge

ye to socha bhi na hoga baba-e-ain ne

'adl o aaini idare is tarah mimiyaenge

bas yahi anjam hona hai hamara 'ishq mein

ya tumhein hasil karenge ya ki hum mar jaenge