is zindagi mein kal nahin ek lamha bhi janab
is zindagī meñ kal nahīñ ik lamha bhī janāb
āñkheñ abhī khulī na thiiñ ruḳhsat huā shabāb
ik samt dasht-e-be-karāñ ik samt phal kā baaġh
yā'nī ki marg-o-zīst meñ karnā thā intiḳhāb
dariyā-e-dil meñ kar gayā tūfān sā bapā
dekhā thā maiñ ne ek din us chhat pe māhtāb
koī paḌhā sakā na jo us ne paḌhā diyā
vā ho gayā thā mujh pe jo vo chehra-e-kitāb
ham ko Darā na shaiḳh tū maidān-e-hashr se
aisā to roz dete haiñ duniyā hī meñ hisāb
dā'vā hai merā ḳhaak vo ho jaa.e misl-e-tūr
jo aañkh bhar ke dekh le kis meñ hai itnī taab
is zindagi mein kal nahin ek lamha bhi janab
aankhen abhi khuli na thin ruKHsat hua shabab
ek samt dasht-e-be-karan ek samt phal ka bagh
ya'ni ki marg-o-zist mein karna tha intiKHab
dariya-e-dil mein kar gaya tufan sa bapa
dekha tha main ne ek din us chhat pe mahtab
koi paDha saka na jo us ne paDha diya
wa ho gaya tha mujh pe jo wo chehra-e-kitab
hum ko Dara na shaiKH tu maidan-e-hashr se
aisa to roz dete hain duniya hi mein hisab
da'wa hai mera KHak wo ho jae misl-e-tur
jo aankh bhar ke dekh le kis mein hai itni tab
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.