is zulmat-e-shab-ranj ki pahnai sameTe

is zulmat-e-shab-ranj kī pahnā.ī sameTe

jaa.eñ to kahāñ jaa.eñ ye tanhā.ī sameTe

shīrāza-e-hastī hai bikhar jaane kī had par

bāhoñ meñ mujhe ab to vo harjā.ī sameTe

in ashk-fishāñ āñkhoñ kī vus'at kā na pūchho

haiñ ḳhud meñ samundar sī ye gahrā.ī sameTe

juz tere nahīñ apnā koī saare jahāñ meñ

aur tū bhī nahīñ hai ki ye sahrā.ī sameTe

ḳhud ko maiñ tamāsha hue dekhūñ bhalā kab tak

koī to mire saath ye rusvā.ī sameTe

vo shoḳhī-e-guftār kā mūjid bhī sunā hai

aaya hai tirī bazm meñ goyā.ī sameTe

yaksūī se takte haiñ 'navāz' un kī hī jānib

kab dast-e-hunar dekhiye bīnā.ī sameTe

is zulmat-e-shab-ranj ki pahnai sameTe

jaen to kahan jaen ye tanhai sameTe

shiraaza-e-hasti hai bikhar jaane ki had par

bahon mein mujhe ab to wo harjai sameTe

in ashk-fishan aankhon ki wus'at ka na puchho

hain KHud mein samundar si ye gahrai sameTe

juz tere nahin apna koi sare jahan mein

aur tu bhi nahin hai ki ye sahrai sameTe

KHud ko main tamasha hue dekhun bhala kab tak

koi to mere sath ye ruswai sameTe

wo shoKHi-e-guftar ka mujid bhi suna hai

aaya hai teri bazm mein goyai sameTe

yaksui se takte hain 'nawaz' un ki hi jaanib

kab dast-e-hunar dekhiye binai sameTe