ishq aashiq ko wo pur-kaif ada deta hai

'ishq 'āshiq ko vo pur-kaif adā detā hai

vo jise dekh le dīvāna banā detā hai

is se pahle ki bhareñ zaḳhm purāne mere

ik nayā rog koī dil ko lagā detā hai

bā’d-az-marg pashemān hai merā qātil

ab mujhe jiine kī din-rāt du'ā detā hai

kaisā saada hai ki mujh aise ko nekī kah kar

sub.h-dam roz vo dariyā meñ bahā detā hai

vaqt darmāñ hai to phir kyoñ ye guzartā lamha

shiddat-e-ġham ko mirī aur baḌhā detā hai

maiñ kahānī kā vo kirdār huuñ jis ko darshak

bas theatre se nikalte hī bhulā detā hai

bas isī baat se raushan hai 'navāz' apnī jabīñ

DhūñDhne vāloñ ko kyā kuchh na ḳhudā detā hai

'ishq 'ashiq ko wo pur-kaif ada deta hai

wo jise dekh le diwana bana deta hai

is se pahle ki bharen zaKHm purane mere

ek naya rog koi dil ko laga deta hai

ba’d-az-marg pasheman hai mera qatil

ab mujhe jine ki din-raat du'a deta hai

kaisa sada hai ki mujh aise ko neki kah kar

subh-dam roz wo dariya mein baha deta hai

waqt darman hai to phir kyon ye guzarta lamha

shiddat-e-gham ko meri aur baDha deta hai

main kahani ka wo kirdar hun jis ko darshak

bas theatre se nikalte hi bhula deta hai

bas isi baat se raushan hai 'nawaz' apni jabin

DhunDhne walon ko kya kuchh na KHuda deta hai