ishq aazar kar diya jae

ishq āzār kar diyā jaa.e

ġham ko bedār kar diyā jaa.e

kar lo ābād hijr-e-yārāñ ko

ghar kā muḳhtār kar diyā jaa.e

Thokareñ kuchh bhale udhar kī lageñ

ham ko us paar kar diyā jaa.e

koī miTTī ke daam dene lage

saaf inkār kar diyā jaa.e

aao nikleñ junūñ ke saa.e meñ

ghar ko mismār kar diyā jaa.e

aise kuchh rahnumā mayassar hoñ

nek kirdār kar diyā jaa.e

ishq aazar kar diya jae

gham ko bedar kar diya jae

kar lo aabaad hijr-e-yaran ko

ghar ka muKHtar kar diya jae

Thokaren kuchh bhale udhar ki lagen

hum ko us par kar diya jae

koi miTTi ke dam dene lage

saf inkar kar diya jae

aao niklen junun ke sae mein

ghar ko mismar kar diya jae

aise kuchh rahnuma mayassar hon

nek kirdar kar diya jae