ishq-e-sanam namaz hai hai yahi zindagi meri

ishq-e-sanam namāz hai hai yahī zindagī mirī

dil hai mirā sanam-kada diin hai merā kāfirī

sar-ba-sujūd huuñ sanam but-kada-e-majāz meñ

de ga.ī but-parastiyāñ terī adā-e-dilbarī

zāhid-e-ishq se judā maz.hab-e-ishq hai mirā

jhuknā dar-e-naqīb par mere liye hai behtarī

mere sar-e-niyāz ko dair-o-haram kareñ salām

mujh ko tire ḳhayāl ne baḳhshī hai vo qalandarī

sadqe karūñ maiñ jān-o-dil yaar ke pā-e-nāz par

hai yahī asvad-e-haram hai yahī tāj-e-khusravī

terī nigāh-e-nāz hai merī talab kī aabrū

tujh pe nisār ai sanam husn-e-butān-e-āzarī

uTh ke tire dayār se jaa.e tirā 'fanā' kahāñ

ka.aba-e-chashm-e-ishq hai terā jamāl ai parī

ishq-e-sanam namaz hai hai yahi zindagi meri

dil hai mera sanam-kada din hai mera kafiri

sar-ba-sujud hun sanam but-kada-e-majaz mein

de gai but-parastiyan teri ada-e-dilbari

zahid-e-ishq se juda mazhab-e-ishq hai mera

jhukna dar-e-naqib par mere liye hai behtari

mere sar-e-niyaz ko dair-o-haram karen salam

mujh ko tere KHayal ne baKHshi hai wo qalandari

sadqe karun main jaan-o-dil yar ke pa-e-naz par

hai yahi aswad-e-haram hai yahi taj-e-khusrawi

teri nigah-e-naz hai meri talab ki aabru

tujh pe nisar ai sanam husn-e-butan-e-azari

uTh ke tere dayar se jae tera 'fana' kahan

kaba-e-chashm-e-ishq hai tera jamal ai pari