ishq hai dariya-e-atish tair kar jaane ka nam

ishq hai dariyā-e-ātish tair kar jaane kā naam

husn hai sehn-e-chaman meñ phuul barsāne kā naam

rāt-bhar sham-e-hazīñ is fikr meñ jaltī rahī

kyuuñ buland āḳhir hai is duniyā meñ parvāne kā nā

lailā-o-shīrīñ kī kyā kuchh kahiye ab is gul kī baat

aaj hai ūñchā chaman meñ jis ke afsāne kā naam

tūr-e-dil kī ḳhair ho ab tāb-e-nazzāra kahāñ

husn kā jalva tumhāre barq gir jaane kā naam

tū chaman hai aur tirī raftār hai mauj-e-nasīm

ḳhāmushī ġhuncha hañsī hai phuul khil jaane kā naam

kahkashāñ hai maañg terī ġhāza-e-ruḳh chāñdnī

qad zamīñ par māh-o-anjum ke utar aane kā naam

jab kabhī shānoñ pe zulf-e-ambarīñ lahrā ga.ī

bas yahī hai nik.hat-e-gul ke mahak jaane kā naam

ishq hai dariya-e-atish tair kar jaane ka nam

husn hai sehn-e-chaman mein phul barsane ka nam

raat-bhar sham-e-hazin is fikr mein jalti rahi

kyun buland aaKHir hai is duniya mein parwane ka na

laila-o-shirin ki kya kuchh kahiye ab is gul ki baat

aaj hai uncha chaman mein jis ke afsane ka nam

tur-e-dil ki KHair ho ab tab-e-nazzara kahan

husn ka jalwa tumhaare barq gir jaane ka nam

tu chaman hai aur teri raftar hai mauj-e-nasim

KHamushi ghuncha hansi hai phul khil jaane ka nam

kahkashan hai mang teri ghaza-e-ruKH chandni

qad zamin par mah-o-anjum ke utar aane ka nam

jab kabhi shanon pe zulf-e-ambarin lahra gai

bas yahi hai nikhat-e-gul ke mahak jaane ka nam