ishq hai humse to ye wahm guman kaise hain

'ishq hai ham se to ye vahm gumāñ kaise haiñ

phir gile shikve batā zer-e-zabāñ kaise haiñ

tum to kahte the ki sab suukh ga.e haiñ lekin

phir hameñ dekh ke ye ashk ravāñ kaise haiñ

jab raqīboñ se nahīñ hai koī rishta to batā

raah meñ phir tire qadmoñ ke nishāñ kaise haiñ

kaun zindān meñ ab mujh ko batā.e aa kar

dost kaise haiñ mire dushman-e-jāñ kaise haiñ

nukta-chīnī jo kiyā karte the har baat pe vo

shahr ke mere sabhī ahl-e-zabāñ kaise haiñ

fikr us ko hai bahut merī ḳhabar hai mujh ko

tum na kar denā bayāñ jā ke vahāñ kaise haiñ

ye na kahnā ki taḌapte haiñ tirī yādoñ meñ

vo agar pūchhe ki 'abrār' miyāñ kaise haiñ

'ishq hai hum se to ye wahm guman kaise hain

phir gile shikwe bata zer-e-zaban kaise hain

tum to kahte the ki sab sukh gae hain lekin

phir hamein dekh ke ye ashk rawan kaise hain

jab raqibon se nahin hai koi rishta to bata

rah mein phir tere qadmon ke nishan kaise hain

kaun zindan mein ab mujh ko batae aa kar

dost kaise hain mere dushman-e-jaan kaise hain

nukta-chini jo kiya karte the har baat pe wo

shahr ke mere sabhi ahl-e-zaban kaise hain

fikr us ko hai bahut meri KHabar hai mujh ko

tum na kar dena bayan ja ke wahan kaise hain

ye na kahna ki taDapte hain teri yaadon mein

wo agar puchhe ki 'abrar' miyan kaise hain