ishq ka bhaw aise baDhati ghazal

ishq kā bhaav aise baḌhātī ġhazal

haath aatī nahīñ bhaav khātī ġhazal

mere har sher meñ aap kā zikr hai

mere har sher meñ muskurātī ġhazal

mere dil ke mahalle kī zīnat banī

roz aatī ġhazal roz jaatī ġhazal

tum hī māshūq ho tum hī mahbūb ho

tum hī jān-e-ġhazal ho batātī ġhazal

har zamāne meñ khaTkī zamāne ko ye

har zamāne ko āñkheñ dikhātī ġhazal

zindagī meñ mirī raushnī ke liye

chāñd ban kar mirī chhat pe aatī ġhazal

ishq meñ is ke majnūñ haiñ 'ġhālib' bhī haiñ

kyā se kyā aadmī ko banātī ġhazal

tab kahīñ jā ke aatā ġhazal meñ nikhār

ḳhūn-e-dil jab kisī ko rulātī ġhazal

ye ġhazal-goī āsān hargiz nahīñ

haath mushkil se 'rāshid' ye aatī ġhazal

ishq ka bhaw aise baDhati ghazal

hath aati nahin bhaw khati ghazal

mere har sher mein aap ka zikr hai

mere har sher mein muskuraati ghazal

mere dil ke mahalle ki zinat bani

roz aati ghazal roz jati ghazal

tum hi mashuq ho tum hi mahbub ho

tum hi jaan-e-ghazal ho batati ghazal

har zamane mein khaTki zamane ko ye

har zamane ko aankhen dikhati ghazal

zindagi mein meri raushni ke liye

chand ban kar meri chhat pe aati ghazal

ishq mein is ke majnun hain 'ghaalib' bhi hain

kya se kya aadmi ko banati ghazal

tab kahin ja ke aata ghazal mein nikhaar

KHun-e-dil jab kisi ko rulati ghazal

ye ghazal-goi aasan hargiz nahin

hath mushkil se 'rashid' ye aati ghazal