ishq ka jazba-e-bedar baDa kaam aaya

ishq kā jazba-e-bedār baḌā kaam aaya

be-ḳhudī meñ bhī mire lab pe tirā naam aaya

dil thā bechain bahut dard kī pahnā.ī meñ

ham ko bas un ke tasavvur hī se ārām aaya

jhilmilā uTThe sitāre se mirī palkoñ par

jaam yādoñ kā jo gardish meñ sar-e-shām aaya

zulf se uTThī ghaTā chashm se barsī mastī

sāqī-e-bazm nazākat se liye jaam aaya

jab bhī saaqī kī nazar bazm meñ uTThī 'shabnam'

na ḳhirad aa.ī kisī ke na junūñ kaam aaya

ishq ka jazba-e-bedar baDa kaam aaya

be-KHudi mein bhi mere lab pe tera nam aaya

dil tha bechain bahut dard ki pahnai mein

hum ko bas un ke tasawwur hi se aaram aaya

jhilmila uTThe sitare se meri palkon par

jam yaadon ka jo gardish mein sar-e-sham aaya

zulf se uTThi ghaTa chashm se barsi masti

saqi-e-bazm nazakat se liye jam aaya

jab bhi saqi ki nazar bazm mein uTThi 'shabnam'

na KHirad aai kisi ke na junun kaam aaya