ishq ka nazdik-e-manzil karwan hone ko hai

'ishq kā nazdīk-e-manzil kārvāñ hone ko hai

yā'nī merī ḳhatm saarī dāstāñ hone ko hai

dil dhaḌak uTThā hai merā jaane kis kī yaad meñ

sun liyā hai jashn-e-yād-e-raftagāñ hone ko hai

terā inkār-e-shab-e-vā'da ai hamdam bil-yaqīñ

merī ḳhātir bā'is-e-dard-e-nihāñ hone ko hai

us ne dekhā hai kuchh is andāz se merī taraf

baḌh ke betābī-e-dil āh-o-fuġhāñ hone ko hai

ro chukā saarā zamāna jab hamāre haal par

aap kī chashm-e-karam tab mehrbāñ hone ko hai

us ke sajdoñ meñ nahīñ miltā ḳhulūs-e-bandagī

is liye zāhid kī mehnat rā.egāñ hone ko hai

'ishq ka nazdik-e-manzil karwan hone ko hai

ya'ni meri KHatm sari dastan hone ko hai

dil dhaDak uTTha hai mera jaane kis ki yaad mein

sun liya hai jashn-e-yaad-e-raftagan hone ko hai

tera inkar-e-shab-e-wa'da ai hamdam bil-yaqin

meri KHatir ba'is-e-dard-e-nihan hone ko hai

us ne dekha hai kuchh is andaz se meri taraf

baDh ke betabi-e-dil aah-o-fughan hone ko hai

ro chuka sara zamana jab hamare haal par

aap ki chashm-e-karam tab mehrban hone ko hai

us ke sajdon mein nahin milta KHulus-e-bandagi

is liye zahid ki mehnat raegan hone ko hai