ishq ka talluq hai is qadar zamane se

'ishq kā ta'alluq hai is qadar zamāne se

jis qadar haqīqat kā rabt hai fasāne se

'ishq rang laatā hai dil pe choT khāne se

aag ye chamaktī hai aur bhī dabāne se

aarzū kī shiddat ne dil pe kar diyā jaadū

gūñjte haiñ kānoñ meñ an-sune tarāne se

laakh naav TuuTī ho laakh saḳht tūfāñ ho

Dūbtā hai insāñ to dil ke Duub jaane se

ai chaman ke matavālo kuchh ḳhabar bhī hai tum ko

gulsitāñ tak aa pahuñchī aag āshiyāne se

āñdhiyāñ bhī uThtī haiñ bijliyāñ bhī girtī haiñ

baaz rah nahīñ sakte phuul muskurāne se

dard ko samajhtā hai koī dard vaalā hī

tiir kyā hai ye pūchho tiir ke nishāne se

aadmī kī majbūrī kuchh na pūchho ai 'rā'nā'

be-ruḳhī barat.tī hai maut bhī bulāne se

'ishq ka ta'alluq hai is qadar zamane se

jis qadar haqiqat ka rabt hai fasane se

'ishq rang lata hai dil pe choT khane se

aag ye chamakti hai aur bhi dabane se

aarzu ki shiddat ne dil pe kar diya jadu

gunjte hain kanon mein an-sune tarane se

lakh naw TuTi ho lakh saKHt tufan ho

Dubta hai insan to dil ke Dub jaane se

ai chaman ke matawalo kuchh KHabar bhi hai tum ko

gulsitan tak aa pahunchi aag aashiyane se

aandhiyan bhi uThti hain bijliyan bhi girti hain

baz rah nahin sakte phul muskurane se

dard ko samajhta hai koi dard wala hi

tir kya hai ye puchho tir ke nishane se

aadmi ki majburi kuchh na puchho ai 'ra'na'

be-ruKHi baratti hai maut bhi bulane se