ishq ki aasudgi ko aur kya darkar tha

ishq kī āsūdgī ko aur kyā darkār thā

gesuoñ kī chhāñv thī yā sāya-e-dīvār thā

dar-haqīqat vo qarīb-e-jalva-gāh-e-yār thā

jis kī āñkhoñ meñ mazāq-e-hasrat-e-dīdār thā

aaj vo kyoñ khā rahā hai dar-ba-dar kī Thokareñ

taḳht-e-ālam kā jo kal tak mālik-o-muḳhtār thā

māvarā-e-aish thā jab ādamiyyat kā vajūd

kis qadar be-dāġh vo ā.īna-e-kirdār thā

zauq-e-nazzāra kī quvvat salb ho kar rah ga.ī

jalva-gāh-e-nāz par kyā parda-e-asrār thā

tā-qayāmat jis ke naqsh-e-pā raheñge zau-fishāñ

faḳhr hai ham ko vo apnā qāfila-sālār thā

maġhfirat farmā.e maulā 'sādiq'-e-marhūm kī

vo mirā ustād 'anvar' ik baḌā fankār thā

ishq ki aasudgi ko aur kya darkar tha

gesuon ki chhanw thi ya saya-e-diwar tha

dar-haqiqat wo qarib-e-jalwa-gah-e-yar tha

jis ki aankhon mein mazaq-e-hasrat-e-didar tha

aaj wo kyon kha raha hai dar-ba-dar ki Thokaren

taKHt-e-alam ka jo kal tak malik-o-muKHtar tha

mawara-e-aish tha jab aadamiyyat ka wajud

kis qadar be-dagh wo aaina-e-kirdar tha

zauq-e-nazzara ki quwwat salb ho kar rah gai

jalwa-gah-e-naz par kya parda-e-asrar tha

ta-qayamat jis ke naqsh-e-pa rahenge zau-fishan

faKHr hai hum ko wo apna qafila-salar tha

maghfirat farmae maula 'sadiq'-e-marhum ki

wo mera ustad 'anwar' ek baDa fankar tha