ishq ki koi intiha hi nahin

ishq kī koī intihā hī nahīñ

is maraz kī koī davā hī nahīñ

aa.e dekhā mujhe hañse aur phir

chal diye kuchh kahā sunā hī nahīñ

us se nazreñ milīñ thiiñ pal bhar ko

dil kahāñ kho gayā pata hī nahīñ

maiñ nazar meñ basī huuñ maan bhī lo

aa.ina jhuuT boltā hī nahīñ

us ko zid hai ki ab nahīñ milnā

dil hai pāgal ke māntā hī nahīñ

mujh se mujh ko churā ke le jaatā

pahle tum sā koī milā hī nahīñ

kitne din ho ga.e ki phone tirā

kaan meñ shahd gholtā hī nahīñ

raat ik ajnabī milā thā 'vafā'

niiñd phir kyā huī pata hī nahīñ

ishq ki koi intiha hi nahin

is maraz ki koi dawa hi nahin

aae dekha mujhe hanse aur phir

chal diye kuchh kaha suna hi nahin

us se nazren milin thin pal bhar ko

dil kahan kho gaya pata hi nahin

main nazar mein basi hun man bhi lo

aaina jhuT bolta hi nahin

us ko zid hai ki ab nahin milna

dil hai pagal ke manta hi nahin

mujh se mujh ko chura ke le jata

pahle tum sa koi mila hi nahin

kitne din ho gae ki phone tera

kan mein shahd gholta hi nahin

raat ek ajnabi mila tha 'wafa'

nind phir kya hui pata hi nahin