ishq ki rah mein ek wo bhi maqam aata hai

'ishq kī raah meñ ik vo bhī maqām aatā hai

rāh-rau ke liye manzil kā salām aatā hai

mutma.in be-par-o-bālī pe huuñ yuuñ ham-nafaso

vaqf-e-parvāz hī aksar tah-e-dām aatā hai

vaj.h-e-barbādī-e-dil pūchh rahī hai duniyā

lab pe kyā jāniye kyoñ aap kā naam aatā hai

dil-e-nākām sahī phir bhī to merā dil hai

yahī nā-kām bure vaqt meñ kaam aatā hai

ruuh āñkhoñ meñ simaTtī nazar aatī hai mujhe

kyā kisī bhūlne vaale kā payām aatā hai

ye bhī saaqī kī nigāhoñ kā karam hai 'anvar'

zikr sunte hī mirā vajd meñ jaam aatā hai

'ishq ki rah mein ek wo bhi maqam aata hai

rah-rau ke liye manzil ka salam aata hai

mutmain be-par-o-baali pe hun yun ham-nafaso

waqf-e-parwaz hi aksar tah-e-dam aata hai

wajh-e-barbaadi-e-dil puchh rahi hai duniya

lab pe kya jaaniye kyon aap ka nam aata hai

dil-e-nakaam sahi phir bhi to mera dil hai

yahi na-kaam bure waqt mein kaam aata hai

ruh aankhon mein simaTti nazar aati hai mujhe

kya kisi bhulne wale ka payam aata hai

ye bhi saqi ki nigahon ka karam hai 'anwar'

zikr sunte hi mera wajd mein jam aata hai