ishq ko duniyawi bazar nahin kar sakte

ishq ko duniyāvī bāzār nahīñ kar sakte

dil se dil ke dil pe vaar nahīñ kar sakte

ishq meñ apnī jaan lagā dī aur luTā dī

ab ham phir se vaisā pyaar nahīñ kar sakte

us ko chāhā aur chāhat par qaa.em bhī haiñ

par afsos ke ham iz.hār nahīñ kar sakte

us kī hī tasvīr samā.ī hai āñkhoñ meñ

ab ham tum se āñkheñ chaar nahīñ kar sakte

ishq mohabbat pyaar vafā sab bīmārī hai

ab ham phir ḳhud ko bīmār nahīñ kar sakte

bahr-e-'mīr' meñ likhī haiñ maiñ ne kuchh ġhazleñ

bin bahroñ ke ham ash.ār nahīñ kar sakte

itnā haq to maiñ ne ḳhud ko bhī na diyā hai

mere prem kā tum inkār nahīñ kar sakte

mere haath pe paañv rakho aur tum niklo nā

ab ham donoñ daldal paar nahīñ kar sakte

ishq ko duniyawi bazar nahin kar sakte

dil se dil ke dil pe war nahin kar sakte

ishq mein apni jaan laga di aur luTa di

ab hum phir se waisa pyar nahin kar sakte

us ko chaha aur chahat par qaem bhi hain

par afsos ke hum izhaar nahin kar sakte

us ki hi taswir samai hai aankhon mein

ab hum tum se aankhen chaar nahin kar sakte

ishq mohabbat pyar wafa sab bimari hai

ab hum phir KHud ko bimar nahin kar sakte

bahr-e-'mir' mein likhi hain main ne kuchh ghazlen

bin bahron ke hum ashaar nahin kar sakte

itna haq to main ne KHud ko bhi na diya hai

mere prem ka tum inkar nahin kar sakte

mere hath pe panw rakho aur tum niklo na

ab hum donon daldal par nahin kar sakte