ishq ko pahna raha hun aah-o-zari ka libas

ishq ko pahnā rahā huuñ āh-o-zārī kā libās

tā ki ho mujh ko mayassar fazl-e-bārī ka libās

kab hamāre vāste lauTeñgī ḳhushiyāñ zindagī

kab utāregā zamāna sogvārī kā libās

raaz meñ phir bhī hamārā ishq rah saktā nahīñ

zeb-tan ham laakh kar leñ parda-dārī kā libās

mere pīchhe paḌ ga.e haiñ saikḌoñ but ai ḳhudā

kar atā īmāñ ko mere pā.edārī kā libās

dar-haqīqat chhoḌ baiThe haiñ sabhī ab ye chalan

ik dikhāvā hai vafā kī pāsdārī ka libās

jaan kar baazī lagānā jaan par aane lagā

bas numā.ish ke liye hai ab to yaarī ka libās

log apnī azmatoñ ke gā rahe haiñ gun 'ḳhalish'

aur maiñ pahne hue huuñ inkisārī kā libās

ishq ko pahna raha hun aah-o-zari ka libas

ta ki ho mujh ko mayassar fazl-e-bari ka libas

kab hamare waste lauTengi KHushiyan zindagi

kab utarega zamana sogwari ka libas

raaz mein phir bhi hamara ishq rah sakta nahin

zeb-tan hum lakh kar len parda-dari ka libas

mere pichhe paD gae hain saikDon but ai KHuda

kar ata iman ko mere paedari ka libas

dar-haqiqat chhoD baiThe hain sabhi ab ye chalan

ek dikhawa hai wafa ki pasdari ka libas

jaan kar bazi lagana jaan par aane laga

bas numaish ke liye hai ab to yari ka libas

log apni azmaton ke ga rahe hain gun 'KHalish'

aur main pahne hue hun inkisari ka libas