ishq ko ruswa kiya ai husn ye kya kar diya

ishq ko rusvā kiyā ai husn ye kyā kar diyā

daar par mansūr ko vaqf-e-tamāshā kar diyā

kar rahā hai nāḳhudā bād-e-muḳhālif kā gila

merī qismat ne safīna ġharq-e-dariyā kar diyā

terī badnāmī kā baa.is haiñ ye terī shoḳhiyāñ

aur mirī betābiyoñ ne mujh ko rusvā kar diyā

vaah kyā kahnā hai terā ai ḳhayāl-e-husn-e-yār

kulba-e-tārīk meñ tū ne ujālā kar diyā

ḳhūn-e-bulbul ko banā kar ġhāza-e-rū-e-bahār

pattī pattī meñ chaman kī husn paidā kar diyā

kyā sarāpā husn hī thā ishq kā husn-e-kamāl

mujh ko merī ma.arifat ne terā shaidā kar diyā

'fāzil'-e-nāchīz kyā thā ek qatra thā magar

tere faiz-e-ām ne qatre ko dariyā kar diyā

ishq ko ruswa kiya ai husn ye kya kar diya

dar par mansur ko waqf-e-tamasha kar diya

kar raha hai naKHuda baad-e-muKHalif ka gila

meri qismat ne safina gharq-e-dariya kar diya

teri badnami ka bais hain ye teri shoKHiyan

aur meri betabiyon ne mujh ko ruswa kar diya

wah kya kahna hai tera ai KHayal-e-husn-e-yar

kulba-e-tarik mein tu ne ujala kar diya

KHun-e-bulbul ko bana kar ghaza-e-ru-e-bahaar

patti patti mein chaman ki husn paida kar diya

kya sarapa husn hi tha ishq ka husn-e-kamal

mujh ko meri marifat ne tera shaida kar diya

'fazil'-e-nachiz kya tha ek qatra tha magar

tere faiz-e-am ne qatre ko dariya kar diya