ishq mein apne zabun-haal jo mera dekha

ishq meñ apne zabūñ-hāl jo merā dekhā

hañs ke farmāyā mohabbat kā natīja dekhā

kisī dushman ke bhī dushman ko dikhā.e na ḳhudā

jo mire dil ne shab-e-hijr meñ sadma dekhā

apnī āñkhoñ meñ rahī maah kī tauqīr na kuchh

ham ne jis din se tumhārā ruḳh-e-zebā dekhā

ham ne bāzār-e-mohabbat meñ dil-e-vārafta

har taraf terā hī hote hue charchā dekhā

jab nazar paḌtī hai 'sābir' to ġhash aa jaatā hai

phir to yaksāñ hai nahīñ dekhā use yā dekhā

ishq mein apne zabun-haal jo mera dekha

hans ke farmaya mohabbat ka natija dekha

kisi dushman ke bhi dushman ko dikhae na KHuda

jo mere dil ne shab-e-hijr mein sadma dekha

apni aankhon mein rahi mah ki tauqir na kuchh

hum ne jis din se tumhaara ruKH-e-zeba dekha

hum ne bazar-e-mohabbat mein dil-e-warafta

har taraf tera hi hote hue charcha dekha

jab nazar paDti hai 'sabir' to ghash aa jata hai

phir to yaksan hai nahin dekha use ya dekha