ishq mein arz-o-samawat uTha lae hain

'ishq meñ arz-o-samāvāt uThā laa.e haiñ

yā'nī ham hijr ke din-rāt uThā laa.e haiñ

ham ne us aañkh se poñchhe haiñ vafā ke aañsū

aap jis aañkh se āfāt uThā laa.e haiñ

har nazar-bāz havas kā hī pujārī hogā

log bāzār se ik baat uThā laa.e haiñ

ham ḳharīdār the ummīd-o-rajā ke lekin

jeb se tang the so maat uThā laa.e haiñ

yuuñ kahīñ aate na jaate haiñ magar is dar par

ham ko ik yaad ke zarrāt uThā laa.e haiñ

'ishq mein arz-o-samawat uTha lae hain

ya'ni hum hijr ke din-raat uTha lae hain

hum ne us aankh se ponchhe hain wafa ke aansu

aap jis aankh se aafat uTha lae hain

har nazar-baz hawas ka hi pujari hoga

log bazar se ek baat uTha lae hain

hum KHaridar the ummid-o-raja ke lekin

jeb se tang the so mat uTha lae hain

yun kahin aate na jate hain magar is dar par

hum ko ek yaad ke zarraat uTha lae hain