ishq mein barbaad hone par pashemani to hai

ishq meñ barbād hone par pashemānī to hai

phir bhī merī qadr-o-qīmat us ne pahchānī to hai

saañs lenā bhī jahāñ mushkil hai is māhaul meñ

mujh ko zinda dekh kar logoñ ko hairānī to hai

ġham-gusārī merī aadat ban ga.ī hai kyā karūñ

dūsroñ kā ġham uThāne meñ pareshānī to hai

haath un se bhī milāne ke liye tayyār huuñ

dushmanoñ se dostī kī baat nādānī to hai

kaun sī aisī duā hai jo na hogī ab qubūl

aañkh se aañsū ravāñ sajde meñ peshānī to hai

shauq hai pur-pech rāhoñ se guzarne kā 'zafar'

varna sīdhā rāsta chalne meñ āsānī to hai

ishq mein barbaad hone par pashemani to hai

phir bhi meri qadr-o-qimat us ne pahchani to hai

sans lena bhi jahan mushkil hai is mahaul mein

mujh ko zinda dekh kar logon ko hairani to hai

gham-gusari meri aadat ban gai hai kya karun

dusron ka gham uThane mein pareshani to hai

hath un se bhi milane ke liye tayyar hun

dushmanon se dosti ki baat nadani to hai

kaun si aisi dua hai jo na hogi ab qubul

aankh se aansu rawan sajde mein peshani to hai

shauq hai pur-pech rahon se guzarne ka 'zafar'

warna sidha rasta chalne mein aasani to hai