ishq mein be-abru hona paDa

ishq meñ be-ābrū honā paḌā

do hī din meñ tum se tū honā paḌā

thī ye kis kī aarzū jis ke liye

tārik-e-sad-ārzū honā paḌā

lāla-zār-e-sīna haañ tere liye

aañkh hī ko āb-jū honā paḌā

kin balā-noshoñ kā bazm-e-dahr meñ

shīsha-o-jām-o-subū honā paḌā

tā-ba-kai luuñ kaam sabr-o-zabt se

āsmāñ se dū-badū honā paḌā

ishq kā anjām rangīñ dekhiye

ashk-e-sāda ko lahū honā paḌā

andalīb-e-bāġh-e-hastī ko 'amīñ'

mubtalā-e-rang-o-bū honā paḌā

ishq mein be-abru hona paDa

do hi din mein tum se tu hona paDa

thi ye kis ki aarzu jis ke liye

tarik-e-sad-arzu hona paDa

lala-zar-e-sina han tere liye

aankh hi ko aab-ju hona paDa

kin bala-noshon ka bazm-e-dahr mein

shisha-o-jam-o-subu hona paDa

ta-ba-kai lun kaam sabr-o-zabt se

aasman se du-badu hona paDa

ishq ka anjam rangin dekhiye

ashk-e-sada ko lahu hona paDa

andalib-e-bagh-e-hasti ko 'amin'

mubtala-e-rang-o-bu hona paDa