ishq mein dosto maza bhi hai

ishq meñ dosto mazā bhī hai

saḳht aafat bhī hai balā bhī hai

bosa to mil chukā mujhe sarkār

merī ik aur iltijā bhī hai

mujh sā āshiq kaho ḳhudā kī qasam

koī duniyā meñ dūsrā bhī hai

va.ada kar ke buto na ham se phiro

kuchh to dil meñ Daro ḳhudā bhī hai

tere is jaur kī hai kuchh had bhī

is sitam kī kuchh intihā bhī hai

aaj jaatā huuñ us ke kūche ko

saath mere mirī qazā bhī hai

mujh se kahte haiñ ab tire dil meñ

aur koī mire sivā bhī hai

aise māshūq hote haiñ kamyāb

bā-vafā bhī vo bā-hayā bhī hai

maiñ ne chheḌā jo bazm meñ to kahā

be-hayā tujh ko kuchh hayā bhī hai

sach kaho 'ranj' sā koī shā.ir

Hyderabad meñ huā bhī hai

ishq mein dosto maza bhi hai

saKHt aafat bhi hai bala bhi hai

bosa to mil chuka mujhe sarkar

meri ek aur iltija bhi hai

mujh sa aashiq kaho KHuda ki qasam

koi duniya mein dusra bhi hai

wada kar ke buto na hum se phiro

kuchh to dil mein Daro KHuda bhi hai

tere is jaur ki hai kuchh had bhi

is sitam ki kuchh intiha bhi hai

aaj jata hun us ke kuche ko

sath mere meri qaza bhi hai

mujh se kahte hain ab tere dil mein

aur koi mere siwa bhi hai

aise mashuq hote hain kamyab

ba-wafa bhi wo ba-haya bhi hai

main ne chheDa jo bazm mein to kaha

be-haya tujh ko kuchh haya bhi hai

sach kaho 'ranj' sa koi shair

Hyderabad mein hua bhi hai