ishq mein haara hua hun kaamrani kuchh nahin

'ishq meñ haarā huā huuñ kāmrānī kuchh nahīñ

mere hissa meñ sanam kī mehrbānī kuchh nahīñ

chhoḌ kar titlī ga.ī hai jab se dil ke baaġh ko

dil meñ bas vīrāniyāñ haiñ rut suhānī kuchh nahīñ

kashtī se bichhḌā jo dariyā ab talak sadme meñ hai

jam ga.ī hai barf is meñ aur ravānī kuchh nahīñ

aa.ine ko hairateñ haiñ haal merā dekh kar

daaġh chehre pe hai mere naujavānī kuchh nahīñ

ḳhat jalā.e maiñ ne saare jo diye the yaar ne

paas mere us kī sāhab ab nishānī kuchh nahīñ

ḳhalvatoñ ke saa.e meñ huuñ yaar ik muddat se maiñ

chaar sū hai bas udāsī shādmānī kuchh nahīñ

Dākiyā hī the kabūtar pahle mobile na thā

bāteñ saarī ḳhat se kī thiiñ muñh-zabānī kuchh nahīñ

bin tire kaise kahūñ ab kis tarah batlā.ūñ maiñ

saañs chaltī hai faqat ye zindagānī kuchh nahīñ

muddateñ guzrī haiñ 'sāriq' yaar ko dekhe hue

kyā kareñ lab se bayāñ ab ḳhush-bayānī kuchh nahīñ

'ishq mein haara hua hun kaamrani kuchh nahin

mere hissa mein sanam ki mehrbani kuchh nahin

chhoD kar titli gai hai jab se dil ke bagh ko

dil mein bas viraniyan hain rut suhani kuchh nahin

kashti se bichhDa jo dariya ab talak sadme mein hai

jam gai hai barf is mein aur rawani kuchh nahin

aaine ko hairaten hain haal mera dekh kar

dagh chehre pe hai mere naujawani kuchh nahin

KHat jalae main ne sare jo diye the yar ne

pas mere us ki sahab ab nishani kuchh nahin

KHalwaton ke sae mein hun yar ek muddat se main

chaar su hai bas udasi shadmani kuchh nahin

Dakiya hi the kabutar pahle mobile na tha

baaten sari KHat se ki thin munh-zabani kuchh nahin

bin tere kaise kahun ab kis tarah batlaun main

sans chalti hai faqat ye zindagani kuchh nahin

muddaten guzri hain 'sariq' yar ko dekhe hue

kya karen lab se bayan ab KHush-bayani kuchh nahin