ishq mein ishq ka unwan nahin dekha jata

ishq meñ ishq kā unvāñ nahīñ dekhā jaatā

dard meñ dard kā darmāñ nahīñ dekhā jaatā

ālam-e-ḳhvāb-e-pareshāñ nahīñ dekhā jaatā

dil ko ehsās-ba-dāmāñ nahīñ dekhā jaatā

un se kah de koī vo muuñd leñ āñkheñ apnī

jin se nairañg-e-gulistāñ nahīñ dekhā jaatā

be-ḳhudī merī vahāñ laa.ī jahāñ phir dil se

ālam-e-hosh ko giryāñ nahīñ dekhā jaatā

merī mastī ko jo samjhe haiñ ba-nām-e-mastī

un se paimāna-e-insāñ nahīñ dekhā jaatā

in ḳhizāñ-āshnā āñkhoñ se ba-rañg-e-fitrat

kaif-e-hañgām-e-bahārāñ nahīñ dekhā jaatā

'zeb' kyā hai ye nizām-e-ġham-e-daurāñ tauba

inqilāb-e-ġham-e-daurāñ nahīñ dekhā jaatā

ishq mein ishq ka unwan nahin dekha jata

dard mein dard ka darman nahin dekha jata

aalam-e-KHwab-e-pareshan nahin dekha jata

dil ko ehsas-ba-daman nahin dekha jata

un se kah de koi wo mund len aankhen apni

jin se nairang-e-gulistan nahin dekha jata

be-KHudi meri wahan lai jahan phir dil se

aalam-e-hosh ko giryan nahin dekha jata

meri masti ko jo samjhe hain ba-nam-e-masti

un se paimana-e-insan nahin dekha jata

in KHizan-ashna aankhon se ba-rang-e-fitrat

kaif-e-hangam-e-bahaaran nahin dekha jata

'zeb' kya hai ye nizam-e-gham-e-dauran tauba

inqilab-e-gham-e-dauran nahin dekha jata