ishq mein rabt-e-jism-o-jaan na raha

'ishq meñ rabt-e-jism-o-jāñ na rahā

apnā apne pe mehrbāñ na rahā

husn kis shai se kab 'ayāñ na rahā

vo nihāñ ho ke bhī nihāñ na rahā

kab vafā.eñ na kāmyāb huiiñ

kab tamāshā-e-imtihāñ na rahā

shaan us meñ bhī thī mohabbat kī

maiñ jo āmāda-e-fuġhāñ na rahā

kab tire 'ishq kī na kī tauqīr

kab maiñ hastī se bad-gumāñ na rahā

har nafas thiiñ ma.aal par nazreñ

shādmānī pe shādmāñ na rahā

kahiye is bekasī ko kyā kahiye

maiñ rahā aur āshiyāñ na rahā

allāh allāh sa’ūbat-e-rah-e-'ishq

do qadam saath rahravāñ na rahā

ziist se kyā umiid ulfat meñ

dil sā jab dost mehrbāñ na rahā

de ke jaañ 'ishq meñ unheñ paayā

ye to saudā koī girāñ na rahā

kab uThā.e na ranj ai 'rāfat'

kis zamīñ par ye āsmāñ na rahā

'ishq mein rabt-e-jism-o-jaan na raha

apna apne pe mehrban na raha

husn kis shai se kab 'ayan na raha

wo nihan ho ke bhi nihan na raha

kab wafaen na kaamyab huin

kab tamasha-e-imtihan na raha

shan us mein bhi thi mohabbat ki

main jo aamada-e-fughan na raha

kab tere 'ishq ki na ki tauqir

kab main hasti se bad-guman na raha

har nafas thin maal par nazren

shadmani pe shadman na raha

kahiye is bekasi ko kya kahiye

main raha aur aashiyan na raha

allah allah sa’ubat-e-rah-e-'ishq

do qadam sath rahrawan na raha

zist se kya umid ulfat mein

dil sa jab dost mehrban na raha

de ke jaan 'ishq mein unhen paya

ye to sauda koi giran na raha

kab uThae na ranj ai 'rafat'

kis zamin par ye aasman na raha