ishq na-motabar na ho jae

ishq nā-mo'tabar na ho jaa.e

ḳhāmushī fitna-gar na ho jaa.e

zulf-e-pechāñ ke intishār ko rok

shauq āshufta-sar na ho jaa.e

lutf ġhārat na ho tamanna kā

aah dil bā-asar na ho jaa.e

lazzat-e-dard kī duā.eñ haiñ

kyoñ ḳhafā chārāgar na ho jaa.e

ye dil-e-be-ḳhabar pe lutf-e-nigāh

āshnā-e-nazar na ho jaa.e

chhin na jaa.e nashāt-e-be-ḳhabarī

āgahī dard-e-sar na ho jaa.e

dil-e-betāb ye tirī dhaḌkan

maut kī rāhbar na ho jaa.e

ye ham-āġhoshiyāñ tasavvur meñ

kahīñ un ko ḳhabar na ho jaa.e

na mayassar agar ho lazzat-e-ishq

zindagī dard-e-sar na ho jaa.e

un ke va.ade agar vafā ho jaa.eñ

zindagī mo'atabar na ho jaa.e

ishq na-mo'tabar na ho jae

KHamushi fitna-gar na ho jae

zulf-e-pechan ke intishaar ko rok

shauq aashufta-sar na ho jae

lutf ghaarat na ho tamanna ka

aah dil ba-asar na ho jae

lazzat-e-dard ki duaen hain

kyon KHafa chaaragar na ho jae

ye dil-e-be-KHabar pe lutf-e-nigah

aashna-e-nazar na ho jae

chhin na jae nashat-e-be-KHabari

aagahi dard-e-sar na ho jae

dil-e-betab ye teri dhaDkan

maut ki rahbar na ho jae

ye ham-aghoshiyan tasawwur mein

kahin un ko KHabar na ho jae

na mayassar agar ho lazzat-e-ishq

zindagi dard-e-sar na ho jae

un ke wade agar wafa ho jaen

zindagi mo'atabar na ho jae