ishq ruTha hai kabhi husn se bad-zan ho kar

ishq rūThā hai kabhī husn se bad-zan ho kar

dāġh-e-dil aur bhaḌak uThte haiñ raushan ho kar

dair meñ bhī hai vahī aur haram meñ bhī vahī

bair kyoñ shaiḳh se hai tujh ko barahman ho kar

ghup añdheroñ meñ hue mujh se gunah jo sarzad

sāmne aa khaḌe haiñ vo mire darpan ho kar

sadme jo terī jafāoñ ke ubhar aa.e haiñ

dil meñ vo aaj chamak uTThe haiñ raushan ho kar

ab to jiinā bhī hai dushvār ġham-e-furqat meñ

mujh ko dil bhī na nazar aaya nasheman ho kar

bad-nasībī kī koī had bhī huā kartī hai

ban gayā kunj-e-qafas dasht kā dāman ho kar

āsmānoñ meñ jo mañDlātī nazar aatī haiñ

bijliyāñ utreñgī vo barq-e-nasheman ho kar

maiñ ne dushman ko kabhī samjhā na dushman lekin

aap to aur hasīñ ban ga.e dushman ho kar

DhūñD aaya huuñ maiñ har-qarya-o-har-shahr 'rafīq'

koī vaadī na milī vādī-e-aiman ho kar

ishq ruTha hai kabhi husn se bad-zan ho kar

dagh-e-dil aur bhaDak uThte hain raushan ho kar

dair mein bhi hai wahi aur haram mein bhi wahi

bair kyon shaiKH se hai tujh ko barahman ho kar

ghup andheron mein hue mujh se gunah jo sarzad

samne aa khaDe hain wo mere darpan ho kar

sadme jo teri jafaon ke ubhar aae hain

dil mein wo aaj chamak uTThe hain raushan ho kar

ab to jina bhi hai dushwar gham-e-furqat mein

mujh ko dil bhi na nazar aaya nasheman ho kar

bad-nasibi ki koi had bhi hua karti hai

ban gaya kunj-e-qafas dasht ka daman ho kar

aasmanon mein jo manDlati nazar aati hain

bijliyan utrengi wo barq-e-nasheman ho kar

main ne dushman ko kabhi samjha na dushman lekin

aap to aur hasin ban gae dushman ho kar

DhunD aaya hun main har-qarya-o-har-shahr 'rafiq'

koi wadi na mili wadi-e-aiman ho kar