ishq se jis ka dil gudaz nahin

ishq se jis kā dil gudāz nahīñ

dar-e-irfāñ bhī us pe baaz nahīñ

dar-e-jānāñ pe hai qiyām-o-qu.ūd

apnī koī qazā namāz nahīñ

vasl us kā na kyūñke ho dushvār

jis ke dīdār ke majāz nahīñ

shauq meñ pūchhtā huuñ rāh-e-haram

gabr-o-momin kā e.atibār nahīñ

terī aalī janāb meñ mahmūd

mujhe kyā rutba-e-ayāz nahīñ

nahīñ hone kā kāmil-ul-īmāñ

jis ko ishq-e-shah-e-hijāz nahīñ

saath hai bād-e-marg hasrat-e-dīd

be-sabab chashm apnī baaz nahīñ

qalb us kā hai misl-e-dūd-e-siyāh

sham.a saañ jis kā dil gudāz nahīñ

kyūñki din umr ke kaTeñ ba-ḳhushī

mizha-e-dīd dil-navāz nahīñ

band hai bāb-e-mai-kada jo 'fidā'

kyā dar-e-tauba tujh pe baaz nahīñ

ishq se jis ka dil gudaz nahin

dar-e-irfan bhi us pe baz nahin

dar-e-jaanan pe hai qiyam-o-quud

apni koi qaza namaz nahin

wasl us ka na kyunke ho dushwar

jis ke didar ke majaz nahin

shauq mein puchhta hun rah-e-haram

gabr-o-momin ka eatibar nahin

teri aali janab mein mahmud

mujhe kya rutba-e-ayaz nahin

nahin hone ka kaamil-ul-iman

jis ko ishq-e-shah-e-hijaz nahin

sath hai baad-e-marg hasrat-e-did

be-sabab chashm apni baz nahin

qalb us ka hai misl-e-dud-e-siyah

shama san jis ka dil gudaz nahin

kyunki din umr ke kaTen ba-KHushi

mizha-e-did dil-nawaz nahin

band hai bab-e-mai-kada jo 'fida'

kya dar-e-tauba tujh pe baz nahin