ishq tujhse zulf-e-pur-KHam kya karen

ishq tujh se zulf-e-pur-ḳham kyā kareñ

chheḌ kar barham ko barham kyā kareñ

mere marne kā vo mātam kyā kareñ

marne vaalā mar gayā ġham kyā kareñ

roz-e-mahshar ho gayā hai sāmnā

dekhiye vo ho ke barham kyā kareñ

piite haiñ zamzam samajh kar gāh-gāh

sāqiyā ab is se bhī kam kyā kareñ

un kī Thokar bhī nahīñ hotī nasīb

khā.eñ kyā razzāq-e-ālam kyā kareñ

ābrū-e-zabt thī motī kī aab

kyā kareñ ai chashm-e-pur-nam kyā kareñ

hai hayā bhī ham-rah-e-josh-e-shabāb

vo kisī mahram ko mahram kyā kareñ

mujh se bīmār-e-firāq-e-yār ko

dam na deñ to ibn-e-mariyam kyā kareñ

ai dil-e-pur-soz le kar tujh ko ham

chal paḌe haT dar jahannam kyā kareñ

ho ga.e haiñ jo tire kūche kī ḳhaak

nusḳha-e-iksīr-e-āzam kyā kareñ

marg-e-'rāsiḳh' kī ḳhabar sun kar kahā

mar gayā achchhā huā ham kyā kareñ

ishq tujh se zulf-e-pur-KHam kya karen

chheD kar barham ko barham kya karen

mere marne ka wo matam kya karen

marne wala mar gaya gham kya karen

roz-e-mahshar ho gaya hai samna

dekhiye wo ho ke barham kya karen

pite hain zamzam samajh kar gah-gah

saqiya ab is se bhi kam kya karen

un ki Thokar bhi nahin hoti nasib

khaen kya razzaq-e-alam kya karen

aabru-e-zabt thi moti ki aab

kya karen ai chashm-e-pur-nam kya karen

hai haya bhi ham-rah-e-josh-e-shabab

wo kisi mahram ko mahram kya karen

mujh se bimar-e-firaq-e-yar ko

dam na den to ibn-e-mariyam kya karen

ai dil-e-pur-soz le kar tujh ko hum

chal paDe haT dar jahannam kya karen

ho gae hain jo tere kuche ki KHak

nusKHa-e-iksir-e-azam kya karen

marg-e-'rasiKH' ki KHabar sun kar kaha

mar gaya achchha hua hum kya karen