isi liye to ye anjam use gawara nahin

isī liye to ye anjām use gavāra nahīñ

vo jiit to gayā mujh se maiñ us se haarā nahīñ

nayā nayā sā thā peshe meñ apne vo qātil

so us ne qatl kiyā merā mujh ko maarā nahīñ

asātiza kā kahā she'r hai koī vo shaḳhs

khulā hai thoḌā hī mujh pe abhī vo saarā nahīñ

koī kisī kā nahīñ aur ye baat Thiik bhī hai

qarīb hai vo hamāre bahut hamārā nahīñ

sulag rahe haiñ 'anant' aap kis liye itnā

unheñ jo chāhiye vo chāñd hai sitāra nahīñ

isi liye to ye anjam use gawara nahin

wo jit to gaya mujh se main us se haara nahin

naya naya sa tha peshe mein apne wo qatil

so us ne qatl kiya mera mujh ko mara nahin

asatiza ka kaha she'r hai koi wo shaKHs

khula hai thoDa hi mujh pe abhi wo sara nahin

koi kisi ka nahin aur ye baat Thik bhi hai

qarib hai wo hamare bahut hamara nahin

sulag rahe hain 'anant' aap kis liye itna

unhen jo chahiye wo chand hai sitara nahin