isi mein zat ka idrak irtiqa ka shuur

isī meñ zaat kā idrāk irtiqā kā shu.ūr

mirī nazar meñ mohabbat hai intihā kā shu.ūr

mire vajūd se pahle kahāñ thā zikr-e-jamāl

kahāñ thī ishq sī lazzat kahāñ vafā kā shu.ūr

jhukī jabīñ to aqīdat se āshnā.ī huī

uThā.e haath to in meñ paḌā duā kā shu.ūr

vo sar dikhā.e mujhe jis meñ ḳhud-sarī hai abhī

vo haath ūñchā kare jis ko hai anā kā shu.ūr

maiñ shor-o-shar se zarā fāsla baḌhā.ūñgā

samā.atoñ meñ utar aa.egā sadā kā shu.ūr

hamārā aa.ine par inhisār baḌhne lagā

badan meñ jab se khulā jism-e-māvarā kā shu.ūr

ye baat jānñā lāzim hai har kisī ke liye

nizām-e-adl se marbūt hai ḳhudā kā shu.ūr

kahāñ se zehn meñ aayā ḳhayāl-e-hirs-o-havas

kahāñ se jism ne paayā hai āshnā kā shu.ūr

ye saañs chalnī thī jalte charāġh bujhne the

hameñ nahīñ bhī agar hotā is havā kā shu.ūr

ye harf-o-lafz se nisbat ye zauq-e-sher-o-suḳhan

ye ġhaur-o-fikr hai 'shāhid' meñ ibtidā kā shu.ūr

isi mein zat ka idrak irtiqa ka shuur

meri nazar mein mohabbat hai intiha ka shuur

mere wajud se pahle kahan tha zikr-e-jamal

kahan thi ishq si lazzat kahan wafa ka shuur

jhuki jabin to aqidat se aashnai hui

uThae hath to in mein paDa dua ka shuur

wo sar dikhae mujhe jis mein KHud-sari hai abhi

wo hath uncha kare jis ko hai ana ka shuur

main shor-o-shar se zara fasla baDhaunga

samaaton mein utar aaega sada ka shuur

hamara aaine par inhisar baDhne laga

badan mein jab se khula jism-e-mawara ka shuur

ye baat jaanna lazim hai har kisi ke liye

nizam-e-adl se marbut hai KHuda ka shuur

kahan se zehn mein aaya KHayal-e-hirs-o-hawas

kahan se jism ne paya hai aashna ka shuur

ye sans chalni thi jalte charagh bujhne the

hamein nahin bhi agar hota is hawa ka shuur

ye harf-o-lafz se nisbat ye zauq-e-sher-o-suKHan

ye ghaur-o-fikr hai 'shahid' mein ibtida ka shuur