itna achchha hun adakar chhupa deta hun

itnā achchhā huuñ adākār chhupā detā huuñ

ġham hazāroñ pas-e-dīvār chhupā detā huuñ

sab mire dost tujhe dost samajhte haiñ mirā

jo mujhe tū ne diye ḳhaar chhupā detā huuñ

merī bechainiyāñ mujh se nahīñ dekhī jātīñ

ḳhud ko le jā ke kahīñ yaar chhupā detā huuñ

aaj achchhā hai savere se mirā mood bahut

aisā kartā huuñ ki aḳhbār chhupā detā huuñ

āte-jāte hue paḌtī hai nazar logoñ kī

aa tujhe maiñ dil-e-bīmār chhupā detā huuñ

tujh ko sachchā.ī kā anjām nahīñ hai ma.alūm

maiñ tujhe mere qalamkār chhupā detā huuñ

itna achchha hun adakar chhupa deta hun

gham hazaron pas-e-diwar chhupa deta hun

sab mere dost tujhe dost samajhte hain mera

jo mujhe tu ne diye KHar chhupa deta hun

meri bechainiyan mujh se nahin dekhi jatin

KHud ko le ja ke kahin yar chhupa deta hun

aaj achchha hai sawere se mera mood bahut

aisa karta hun ki aKHbar chhupa deta hun

aate-jate hue paDti hai nazar logon ki

aa tujhe main dil-e-bimar chhupa deta hun

tujh ko sachchai ka anjam nahin hai malum

main tujhe mere qalamkar chhupa deta hun