itna baDa to ho mera dalan kam se kam

itnā baḌā to ho mirā dālān kam se kam

do-chār din to ruk sakeñ mehmān kam se kam

sab se kaheñge nasl haiñ ham 'mīr'-o-'faiz' kī

ghar meñ rakheñge ek do dīvān kam se kam

is vāste bhī ab ke kiyā ishq sātvāñ

ik baar to ho fat.h ye maidān kam se kam

parcham baġhāvatoñ kā hai kyoñ sab ke haath meñ

kuchh to batāo vaqt ke sultān kam se kam

in hādsoñ ne 'umr ko aadhā kiyā 'obaid'

sau saal varna jiitā thā insān kam se kam

itna baDa to ho mera dalan kam se kam

do-chaar din to ruk saken mehman kam se kam

sab se kahenge nasl hain hum 'mir'-o-'faiz' ki

ghar mein rakhenge ek do diwan kam se kam

is waste bhi ab ke kiya ishq satwan

ek bar to ho fath ye maidan kam se kam

parcham baghawaton ka hai kyon sab ke hath mein

kuchh to batao waqt ke sultan kam se kam

in hadson ne 'umr ko aadha kiya 'obaid'

sau sal warna jita tha insan kam se kam