itna karam ki azm rahe hausla rahe
itnā karam ki azm rahe hausla rahe
is dil ke saath dard kā rishta sadā rahe
apnī anā ke saath jiye kaj-adā rahe
ab is kā kyā malāl ki be-dast-o-pā rahe
ḳhud-sāḳhta ḳhudāoñ kā mujh ko nahīñ hai ḳhauf
terī navāzishoñ kā bas ik silsila rahe
ādāb-e-dostī se to vāqif kabhī na the
tahzīb-e-dushmanī se bhī nā-āshnā rahe
ye bhī hamāre daur kā ik alamiya hī hai
rahne ko saath saath rahe par judā rahe
itna karam ki azm rahe hausla rahe
is dil ke sath dard ka rishta sada rahe
apni ana ke sath jiye kaj-ada rahe
ab is ka kya malal ki be-dast-o-pa rahe
KHud-saKHta KHudaon ka mujh ko nahin hai KHauf
teri nawazishon ka bas ek silsila rahe
aadab-e-dosti se to waqif kabhi na the
tahzib-e-dushmani se bhi na-ashna rahe
ye bhi hamare daur ka ek alamiya hi hai
rahne ko sath sath rahe par juda rahe
- Book : Khushk Tahni Zard Pattay (Pg. 24)
- Author : Yousuf Taqi
- Publication : Yousuf Taqi (2003)
- Edition : 2003
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
