itna mizaj waqt ka badla hua na tha

itnā mizāj vaqt kā badlā huā na thā

gauhar samundaroñ meñ kabhī chīḳhtā na thā

duniyā kā bhed is liye mujh par khulā na thā

maiñ ne kitāb-e-zīst ko ab tak paḌhā na thā

bikhrā huā huuñ zarroñ kī mānind kū-ba-kū

maiñ apnī zaat se kabhī itnā kaTā na thā

kal raat terī bazm meñ ai jān-e-imbisāt

har shaḳhs ajnabī thā koī āshnā na thā

saarā hī shahr ajnabī aane lagā nazar

ye aur baat hai koī chehra nayā na thā

'parvez' ābloñ ne jo baḳhshī haiñ lazzateñ

in lazzatoñ se pahle kabhī āshnā na thā

itna mizaj waqt ka badla hua na tha

gauhar samundaron mein kabhi chiKHta na tha

duniya ka bhed is liye mujh par khula na tha

main ne kitab-e-zist ko ab tak paDha na tha

bikhra hua hun zarron ki manind ku-ba-ku

main apni zat se kabhi itna kaTa na tha

kal raat teri bazm mein ai jaan-e-imbisat

har shaKHs ajnabi tha koi aashna na tha

sara hi shahr ajnabi aane laga nazar

ye aur baat hai koi chehra naya na tha

'parwez' aablon ne jo baKHshi hain lazzaten

in lazzaton se pahle kabhi aashna na tha