itni si haqiqat to in ashkon ki jaani hai

itnī sī haqīqat to in ashkoñ kī jaanī hai

jam jaa.e to ye ḳhuuñ hai bah jaa.e to paanī hai

tum kyā ise jānoge tum kyā ise samjhoge

ye dāġh-e-jigar merā ulfat kī nishānī hai

ho jaa.e mukammal to afsāna-e-dil likh duuñ

kuchh baat ghaTānī hai kuchh baat baḌhānī hai

iz.hār-e-tamannā par ghabrā ke lage kahne

is baat ko ab chhoḌo ye baat purānī hai

mere hī liye un kī shamshīr barahna hai

merā hī lahū shāyad is dahr meñ paanī hai

maḳhmūr nigāhoñ ke sadqe meñ kisī din to

do ghūñT pilā do vo palkoñ ne jo chhānī hai

'arshad' bhī aqīdat se maiḳhāne meñ aaya hai

ai pīr-e-muġhāñ terī ejāz-bayānī hai

itni si haqiqat to in ashkon ki jaani hai

jam jae to ye KHun hai bah jae to pani hai

tum kya ise jaanoge tum kya ise samjhoge

ye dagh-e-jigar mera ulfat ki nishani hai

ho jae mukammal to afsana-e-dil likh dun

kuchh baat ghaTani hai kuchh baat baDhani hai

izhaar-e-tamanna par ghabra ke lage kahne

is baat ko ab chhoDo ye baat purani hai

mere hi liye un ki shamshir barahna hai

mera hi lahu shayad is dahr mein pani hai

maKHmur nigahon ke sadqe mein kisi din to

do ghunT pila do wo palkon ne jo chhani hai

'arshad' bhi aqidat se maiKHane mein aaya hai

ai pir-e-mughan teri ejaz-bayani hai