ja pahunchte hain sar-e-dar qaza se pahle

jā pahuñchte haiñ sar-e-dār qazā se pahle

kitne mansūr anal-haq kī sadā se pahle

husn-e-tanzīm ko kahte haiñ tarastī hī rahī

kahkashāñ mere nuqūsh-e-kaf-e-pā se pahle

sochtā huuñ ki kabhī maiñ ne sunī hai ki nahīñ

koī āvāz dil-e-naġhma-sarā se pahle

thā ġham-e-zīst magar kab thā shu.ūr-e-ġham-e-zīst

ahl-e-dil ahl-e-nazar ahl-e-vafā se pahle

qīmat-e-dār-o-rasan ham ne adā kī 'nashtar'

jurm koī na kiyā jurm-e-vafā se pahle

ja pahunchte hain sar-e-dar qaza se pahle

kitne mansur anal-haq ki sada se pahle

husn-e-tanzim ko kahte hain tarasti hi rahi

kahkashan mere nuqush-e-kaf-e-pa se pahle

sochta hun ki kabhi main ne suni hai ki nahin

koi aawaz dil-e-naghma-sara se pahle

tha gham-e-zist magar kab tha shuur-e-gham-e-zist

ahl-e-dil ahl-e-nazar ahl-e-wafa se pahle

qimat-e-dar-o-rasan hum ne ada ki 'nashtar'

jurm koi na kiya jurm-e-wafa se pahle