jada-e-shauq mein kaam aae sikandar kitne

jāda-e-shauq meñ kaam aa.e sikandar kitne

is samundar meñ hue ġharq shanāvar kitne

un ko dekhā to na thā naam sunā jab un kā

zehn meñ bante rahe husn ke paikar kitne

mor-e-be-māya magar apnī adā par qaa.em

ham se Takrāte rahe vaqt ke dāvar kitne

kitne zarrāt ko mahtāb kī zau baḳhshī hai

aap ke saath haiñ vābasta muqaddar kitne

baat mai-ḳhāne ke ādāb se aage na ga.ī

rū-ba-rū mere chhalakte rahe sāġhar kitne

shahr-dar-shahr isī baat kā charchā hai bahut

phuul sī baat pe maare ga.e patthar kitne

kahīñ apnoñ kī ināyat kahīñ ġhairoñ kā karam

muskurāte haiñ mujhe dekh ke ḳhanjar kitne

ye bhī ā.īna-e-ayyām meñ dekhoge bahut

khā ga.ī mauj-e-sitam jaane sitamgar kitne

har qadam luTte rahe itnā batā de koī

qāfile vāloñ kī qismat meñ haiñ rahbar kitne

haa.e vo pursish-e-hālāt kā andāz 'qamar'

merī āñkhoñ meñ simaT aa.e haiñ manzar kitne

jada-e-shauq mein kaam aae sikandar kitne

is samundar mein hue gharq shanawar kitne

un ko dekha to na tha nam suna jab un ka

zehn mein bante rahe husn ke paikar kitne

mor-e-be-maya magar apni ada par qaem

hum se Takraate rahe waqt ke dawar kitne

kitne zarraat ko mahtab ki zau baKHshi hai

aap ke sath hain wabasta muqaddar kitne

baat mai-KHane ke aadab se aage na gai

ru-ba-ru mere chhalakte rahe saghar kitne

shahr-dar-shahr isi baat ka charcha hai bahut

phul si baat pe mare gae patthar kitne

kahin apnon ki inayat kahin ghairon ka karam

muskuraate hain mujhe dekh ke KHanjar kitne

ye bhi aaina-e-ayyam mein dekhoge bahut

kha gai mauj-e-sitam jaane sitamgar kitne

har qadam luTte rahe itna bata de koi

qafile walon ki qismat mein hain rahbar kitne

hae wo pursish-e-haalat ka andaz 'qamar'

meri aankhon mein simaT aae hain manzar kitne