jadu tilism sehr fusun ToTka nahin

jaadū tilism sehr fusūñ ToTkā nahīñ

achchhe-bhale marīz kī koī davā nahīñ

fariyād iltimās pukār iltijā nahīñ

haq apnā chāhtā huuñ kisī aur kā nahīñ

matlab nahīñ murād nahīñ mudda.ā nahīñ

allāh re nasīb mire paas kyā nahīñ

barq-o-balā kī zarb se gir jā.egā nahīñ

faulād kā jigar hai mahal ret kā nahīñ

ek-ādh ke sivā ye kisī ne kahā nahīñ

koī kisī se kam nahīñ koī sivā nahīñ

maiñ ne sunā sunā ke kahā jab sunā nahīñ

ab sun sunā ke kahte haiñ kis ne kahā nahīñ

ik maiñ ki aa.ine kī tarah dekhtā rahūñ

ik tū ki aa.ine kī taraf dekhtā nahīñ

āñkheñ nahīñ pur-āb ki siina nahīñ kabāb

dajla nahīñ furāt nahīñ karbalā nahīñ

kab āsmān saaf nazar aa.e kyā ḳhabar

kab din phireñ nasīb khule kuchh patā nahīñ

in dostoñ meñ kis ne nichoḌā nahīñ lahū

in ajgaroñ meñ kis ne mujhe kab Dasā nahīñ

sab ek dūsre ko samajhte haiñ dūsrā

ye baat dūsrī hai koī dūsrā nahīñ

jal kar bhī nā-umīd nahīñ pur-umīd hai

nairangi-e-jahāñ se abhī dil bujhā nahīñ

jadu tilism sehr fusun ToTka nahin

achchhe-bhale mariz ki koi dawa nahin

fariyaad iltimas pukar iltija nahin

haq apna chahta hun kisi aur ka nahin

matlab nahin murad nahin muddaa nahin

allah re nasib mere pas kya nahin

barq-o-bala ki zarb se gir jaega nahin

faulad ka jigar hai mahal ret ka nahin

ek-adh ke siwa ye kisi ne kaha nahin

koi kisi se kam nahin koi siwa nahin

main ne suna suna ke kaha jab suna nahin

ab sun suna ke kahte hain kis ne kaha nahin

ek main ki aaine ki tarah dekhta rahun

ek tu ki aaine ki taraf dekhta nahin

aankhen nahin pur-ab ki sina nahin kabab

dajla nahin furaat nahin karbala nahin

kab aasman saf nazar aae kya KHabar

kab din phiren nasib khule kuchh pata nahin

in doston mein kis ne nichoDa nahin lahu

in ajgaron mein kis ne mujhe kab Dasa nahin

sab ek dusre ko samajhte hain dusra

ye baat dusri hai koi dusra nahin

jal kar bhi na-umid nahin pur-umid hai

nairangi-e-jahan se abhi dil bujha nahin