jaga hai kachchi nind se mat chheDiye use

jaagā hai kachchī niiñd se mat chheḌiye use

kyā jaane kyā junūn meñ muñh se nikal paḌe

sāvan kī rut bhī ab ke baras be-ḳhabar ga.ī

bādal uThe to jaane kahāñ par baras ga.e

qad-āvarī pe apnī hameñ naaz thā bahut

sūraj ugā to qad se bhī saa.e darāz the

mujrim bane ki sikka thā ahd-e-qadīm kā

bāzār le ga.e to giraftār ho ga.e

bachpan kī ḳhvāhishoñ kā galā ghoñTnā paḌā

jab ham ḳhalā se paar hue to khañDar mile

ḳhalvat kā us kī bhed kisī pe khulegā kyā

dīvāreñ be-zabān haiñ gūñge haiñ aa.ine

ai 'saif' ham bhī yūsuf-e-sānī haiñ āj-kal

andhe kuñ.eñ se nikle to bāzār meñ bike

jaga hai kachchi nind se mat chheDiye use

kya jaane kya junun mein munh se nikal paDe

sawan ki rut bhi ab ke baras be-KHabar gai

baadal uThe to jaane kahan par baras gae

qad-awari pe apni hamein naz tha bahut

suraj uga to qad se bhi sae daraaz the

mujrim bane ki sikka tha ahd-e-qadim ka

bazar le gae to giraftar ho gae

bachpan ki KHwahishon ka gala ghonTna paDa

jab hum KHala se par hue to khanDar mile

KHalwat ka us ki bhed kisi pe khulega kya

diwaren be-zaban hain gunge hain aaine

ai 'saif' hum bhi yusuf-e-sani hain aaj-kal

andhe kunen se nikle to bazar mein bike