jage jo KHwab-e-gham se phir nind hi na aai

jaage jo ḳhvāb-e-ġham se phir niiñd hī na aa.ī

dahshat ke zer-o-bam se phir niiñd hī na aa.ī

mālūm hī nahīñ kuchh ham kaise so ga.e the

Dar kar ruḳh-e-sitam se phir niiñd hī na aa.ī

tāroñ se rābte kuchh qaa.em rahe hama-shab

is shaġhl-e-muġhtanam se phir niiñd hī na aa.ī

gūñjī sukūt-e-shab meñ āvāz jaane kis kī

ham ko to ḳhauf-e-ġham se phir niiñd hī na aa.ī

aa.ī jo yaad 'az.har' shab ko jafā-e-yārāñ

chashm-e-vafā ke nam se phir niiñd hī na aa.ī

jage jo KHwab-e-gham se phir nind hi na aai

dahshat ke zer-o-bam se phir nind hi na aai

malum hi nahin kuchh hum kaise so gae the

Dar kar ruKH-e-sitam se phir nind hi na aai

taron se rabte kuchh qaem rahe hama-shab

is shaghl-e-mughtanam se phir nind hi na aai

gunji sukut-e-shab mein aawaz jaane kis ki

hum ko to KHauf-e-gham se phir nind hi na aai

aai jo yaad 'azhar' shab ko jafa-e-yaran

chashm-e-wafa ke nam se phir nind hi na aai