jagi raaton ka etibar kahan

jaagī rātoñ kā e'tibār kahāñ

mujh ko ḳhvāboñ pe iḳhtiyār kahāñ

niiñd bistar pe jaagī rahtī hai

dil kā jaane gayā qarār kahāñ

raqs parvāne kā hai nazroñ meñ

sham' kā koī rāzdār kahāñ

bante bante banegī baat kabhī

abhī us ko hai mujh se pyaar kahāñ

muskurāhaT bikher do tum to

ġham bhī hotā hai sāzgār kahāñ

ab nahīñ aatī us kī yaad mujhe

merī āñkheñ haiñ ashk-bār kahāñ

zindagī tez-rau meñ chaltī hai

koī kartā hai intizār kahāñ

ek 'ādat sī ho ga.ī un kī

ab mohabbat meñ vo ḳhumār kahāñ

din Dhale chāñdnī utartī hai

shahr kī shaam rang-zār kahāñ

dil ke rishte 'ajīb hote haiñ

hai magar dil bhī jānkār kahāñ

chaar din zindagī ke kaafī haiñ

dil ko aanā hai bār-bār kahāñ

jagi raaton ka e'tibar kahan

mujh ko KHwabon pe iKHtiyar kahan

nind bistar pe jagi rahti hai

dil ka jaane gaya qarar kahan

raqs parwane ka hai nazron mein

sham' ka koi raazdar kahan

bante bante banegi baat kabhi

abhi us ko hai mujh se pyar kahan

muskurahaT bikher do tum to

gham bhi hota hai sazgar kahan

ab nahin aati us ki yaad mujhe

meri aankhen hain ashk-bar kahan

zindagi tez-rau mein chalti hai

koi karta hai intizar kahan

ek 'adat si ho gai un ki

ab mohabbat mein wo KHumar kahan

din Dhale chandni utarti hai

shahr ki sham rang-zar kahan

dil ke rishte 'ajib hote hain

hai magar dil bhi jaankar kahan

chaar din zindagi ke kafi hain

dil ko aana hai bar-bar kahan