jagte din ki gali mein raat aankhen mal rahi hai
jāgte din kī galī meñ raat āñkheñ mal rahī hai
vaqt guzrā jā rahā hai dhuup chhat se Tal rahī hai
ik libās-e-fāḳhira hai surḳh ġharqābī mahal hai
kuchh purānī ho ga.ī hai par kahānī chal rahī hai
ik sitāra saaz āñkhoñ ke kināre bas rahā hai
ik mohabbat naam kī laḌkī badan meñ pal rahī hai
paas thā khoyā nahīñ hai jo na thā ab bhī nahīñ hai
umr bhar phir kyuuñ tabī.at muztarib be-kal rahī hai
aanā jaanā saañs kā kyā vasl se mashrūt hai
tū chale to tham rahī hai tū ruke to chal rahī hai
zard-rū vahshat-zada bhaTkī huī vīrān sī
zindagī ik shaam hai aur shaam ban meñ Dhal rahī hai
jagte din ki gali mein raat aankhen mal rahi hai
waqt guzra ja raha hai dhup chhat se Tal rahi hai
ek libas-e-faKHira hai surKH gharqabi mahal hai
kuchh purani ho gai hai par kahani chal rahi hai
ek sitara saz aankhon ke kinare bas raha hai
ek mohabbat nam ki laDki badan mein pal rahi hai
pas tha khoya nahin hai jo na tha ab bhi nahin hai
umr bhar phir kyun tabiat muztarib be-kal rahi hai
aana jaana sans ka kya wasl se mashrut hai
tu chale to tham rahi hai tu ruke to chal rahi hai
zard-ru wahshat-zada bhaTki hui viran si
zindagi ek sham hai aur sham ban mein Dhal rahi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
