jagte zaKHmon ka inam mila hai mujhko

jāgte zaḳhmoñ kā in.aam milā hai mujh ko

har nafas ziist kā ilhām huā hai mujh ko

dāvat-e-kām-o-dahan mujh ko na deñ ahl-e-tarab

nashsha-e-talḳhī-e-ayyām sivā hai mujh ko

apne ban-bās kā qissa maiñ sunātā kis ko

shahr meñ jo bhī milā raam lagā hai mujh ko

us ne chāhā thā vo apne meñ chhupā le ḳhud ko

chehra chehra vo bahar-gām milā hai mujh ko

maiñ huuñ paiġhambar-e-tahzīb mire paas aao

baḳhsh duuñ tum ko jo paiġhām milā hai mujh ko

mujh se vāqif thā bahut shahr-e-nigārāñ 'mohsin'

aur kuchh us ne bhī badnām kiyā hai mujh ko

jagte zaKHmon ka inam mila hai mujh ko

har nafas zist ka ilham hua hai mujh ko

dawat-e-kaam-o-dahan mujh ko na den ahl-e-tarab

nashsha-e-talKHi-e-ayyam siwa hai mujh ko

apne ban-bas ka qissa main sunata kis ko

shahr mein jo bhi mila ram laga hai mujh ko

us ne chaha tha wo apne mein chhupa le KHud ko

chehra chehra wo bahar-gam mila hai mujh ko

main hun paighambar-e-tahzib mere pas aao

baKHsh dun tum ko jo paigham mila hai mujh ko

mujh se waqif tha bahut shahr-e-nigaran 'mohsin'

aur kuchh us ne bhi badnam kiya hai mujh ko