jam na gin pilae ja hosh mein jab talak hain hum

jī meñ hai toḌ deñ subū aur girā deñ jaam ye

tū hī nahīñ to kis liye aa.ī hai aaj shaam ye

jaam na gin pilā.e jā hosh meñ jab talak haiñ ham

tujh ko na bhaa.e sāqiyā mohtasiboñ kā kaam ye

vaqt-e-vidā' sāqiyā rind tire kareñ du'ā

ḳhum ye sadā bhare raheñ daur chaleñ mudām ye

maiñ ne ise jiyā bhī hai harf hai jo raqam kiyā

ziist se merī hai juḌā merā hai jo kalām ye

fikr-e-suḳhan se kyā milā bol kisī ko ai 'sadā'

fikr-e-ma'āsh kar zarā chhoḌ ke ab tū kaam ye

ji mein hai toD den subu aur gira den jam ye

tu hi nahin to kis liye aai hai aaj sham ye

jam na gin pilae ja hosh mein jab talak hain hum

tujh ko na bhae saqiya mohtasibon ka kaam ye

waqt-e-wida' saqiya rind tere karen du'a

KHum ye sada bhare rahen daur chalen mudam ye

main ne ise jiya bhi hai harf hai jo raqam kiya

zist se meri hai juDa mera hai jo kalam ye

fikr-e-suKHan se kya mila bol kisi ko ai 'sada'

fikr-e-ma'ash kar zara chhoD ke ab tu kaam ye