jaan aankhon mein rahi ji se guzarne na diya
jaan aankhon mein rahi ji se guzarne na diya
Shaikh Abdul Lateef Tapish
MORE BYShaikh Abdul Lateef Tapish
jaan āñkhoñ meñ rahī jī se guzarne na diyā
achchhī dīdār kī hasrat thī ki marne na diyā
kyā qayāmat hai sitamgār bharī mahfil meñ
dil churā kar tirī duzdīda nazar ne na diyā
muddatoñ kashmakash-e-yās-o-tamannā meñ rahe
ġham ne jiine na diyā shauq ne marne na diyā
nāḳhudā ne mujhe daldal meñ phañsā.e rakkhā
Duub marne na diyā paar utarne na diyā
koī to baat hai jo ġhair ke aage us ne
shikva kaisā ki mujhe shukr bhī karne na diyā
ḳhaak ārām kī ḳhvāhish ho vatan se bāhar
jab hameñ chain 'tapish' apne hī ghar ne na diyā
jaan aankhon mein rahi ji se guzarne na diya
achchhi didar ki hasrat thi ki marne na diya
kya qayamat hai sitamgar bhari mahfil mein
dil chura kar teri duzdida nazar ne na diya
muddaton kashmakash-e-yas-o-tamanna mein rahe
gham ne jine na diya shauq ne marne na diya
naKHuda ne mujhe daldal mein phansae rakkha
Dub marne na diya par utarne na diya
koi to baat hai jo ghair ke aage us ne
shikwa kaisa ki mujhe shukr bhi karne na diya
KHak aaram ki KHwahish ho watan se bahar
jab hamein chain 'tapish' apne hi ghar ne na diya
- Book : Nuquush Lahore (Pg. 329)
- Author : Mohd Tufail
- Publication : Idara Farog-e-urdu, Lahore (Feb.1956)
- Edition : Feb.1956
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
