jaan de kar bhi tere wahshi ko shikwa na hua

jaan de kar bhī tire vahshī ko shikva na huā

lākhoñ bismil the magar koī bhī ham sā na huā

baa'd marne ke to sab ko hī bhalā kahte haiñ

zindagī-bhar to yahāñ koī bhī apnā na huā

mujh ko ghere hī rahā tere ḳhayāloñ kā hujūm

maiñ to vīrānoñ meñ rah kar bhī akelā na huā

merī qismat meñ kahāñ mahloñ ke saa.e yaaro

mere sar par to mire ghar kā bhī saaya na huā

log shahroñ meñ bhī rahte hue Dar jaate haiñ

tere dīvāne ko sahrā meñ bhī ḳhatra na huā

'iid hai diid agar diid nahīñ 'iid nahīñ

merī kyā 'iid agar terā nazāra na huā

rū-barū us ke jo chūmā thā kabhī phūloñ ko

haa.e us shoḳh kā ġhussa hai ki ThanDā na huā

yahāñ majnūñ kabhī farhād bhī guzrā 'vāmiq'

un meñ dīvāna magar koī bhī ham sā na huā

jaan de kar bhi tere wahshi ko shikwa na hua

lakhon bismil the magar koi bhi hum sa na hua

ba'd marne ke to sab ko hi bhala kahte hain

zindagi-bhar to yahan koi bhi apna na hua

mujh ko ghere hi raha tere KHayalon ka hujum

main to viranon mein rah kar bhi akela na hua

meri qismat mein kahan mahlon ke sae yaro

mere sar par to mere ghar ka bhi saya na hua

log shahron mein bhi rahte hue Dar jate hain

tere diwane ko sahra mein bhi KHatra na hua

'id hai did agar did nahin 'id nahin

meri kya 'id agar tera nazara na hua

ru-baru us ke jo chuma tha kabhi phulon ko

hae us shoKH ka ghussa hai ki ThanDa na hua

yahan majnun kabhi farhad bhi guzra 'wamiq'

un mein diwana magar koi bhi hum sa na hua