jaan dena bas ek ziyan ka sauda tha

jaañ denā bas ek ziyāñ kā saudā thā

rāh-e-talab meñ kis ko ye andāza thā

āñkhoñ meñ dīdār kā kājal Daalā thā

āñchal pe ummīd kā taara Tāñkā thā

hāthoñ kī bāñkeñ chhan chhan chhan hañstī thiiñ

pairoñ kī jhāñjhan ko ġhussa aatā thā

havā sakhī thī merī, rut ham-jolī thī

ham tīnoñ ne mil kar kyā kyā sochā thā

har kone meñ apne aap se bāteñ kiiñ

har pahchal par ā.īne meñ dekhā thā

shaam Dhale aahaT kī kirneñ phūTī thiiñ

sūraj Duub ke mere ghar meñ niklā thā

jaan dena bas ek ziyan ka sauda tha

rah-e-talab mein kis ko ye andaza tha

aankhon mein didar ka kajal Dala tha

aanchal pe ummid ka tara Tanka tha

hathon ki banken chhan chhan chhan hansti thin

pairon ki jhanjhan ko ghussa aata tha

hawa sakhi thi meri, rut ham-joli thi

hum tinon ne mil kar kya kya socha tha

har kone mein apne aap se baaten kin

har pahchal par aaine mein dekha tha

sham Dhale aahaT ki kirnen phuTi thin

suraj Dub ke mere ghar mein nikla tha